Warning: count(): Parameter must be an array or an object that implements Countable in /srv/users/toitangata/toitangata.co.nz/wp-content/plugins/timetable/timetable.php on line 1361
He Pouārahi hōu ki Toi Tangata - Toi Tangata
 
Ranginui Rikirangi-Thomas (Ngāti Pikiao, Ngāti Whakaue, Ngāti Ranginui)

He Pouārahi hōu ki Toi Tangata

We have recently welcomed Ranginui Rikirangi-Thomas (Ngāti Pikiao, Ngāti Whakaue, Ngāti Ranginui) to the Toi Tangata whanau. Ranginui will be leading He Pī Ka Rere, our national kaupapa Māori physical activity and nutrition programme for tamariki in early learning environments. He will spearhead He Pī Ka Rere alongside Pianika Ormsby and the Toi Tangata team. 

Ranginui is a former secondary school teacher of te reo, health and physical activity. He’s also a graduate of the former Institute of Excellence in the Māori Language, Te Panekiretanga. His skills, knowledge and experience coupled with leadership capabilities make him a wonderful asset to have in the team. 

Ranginui replaces outgoing Pouārahi, Darrio Penetito-Hemara (Waikato, Ngāpuhi).  Darrio is the founder of He Pī Ka Rere who has recently taken up a new position as Lead Māori Strategist for Healthy Families Waitakere. 

We are looking forward to working with Ranginui and wish him all the best in his time with our Toi team. 

If you want to learn more about He Pī Ka Rere, check out this link and/or email Ranginui on ranginui@toitangata.co.nz

Tērā te uira ka rarapa ki runga o Matawhau, whakapuke ana ngā ngaru o Te Rotoiti, koia rā tēnei te tohu o te mate! Ko te anu mātao e rere nei i te parihau o taku ika, kei te Rātā whakaruruhau, e Rangi, takoto. Ko tō ngū e paoro kau ana ki te ao i te nui o ngā kaupapa i Perea ai e koe i ngā tau kua hori ake nei. Nō reira, e kui, nōu te reo karanga i tīparehia ai mātou ki te pare kawakawa, haere, haere, haere atu rā. 

Kia waihape mai anō ki a tātou e tū nei, kia ora tātou.

E tika ana kia utaina ngā mihi ki te hunga nā rātou i tū ai te whare o Toi Tangata me ngā tini kaupapa e whakarākei ana i a ia, hei whakamīharotanga mō te iwi. Marninganui ana ahau i tēnei kopounga ōku ki te tūranga Pouārahi ā-motu, he tūranga e toro nei ki ngā kaupapa huhua e hāngai ana ki te hauora o te iwi Māori. Heoi anō, he moumou noa taku whakamārama i tēnei mea te hauora e ai ki te tirohanga Māori, me te take e rerekē ai tērā i tā te ao Pākehā ine i te hauora nē hā? Kia kī noa iho i konei, kua kitea e te Tōrea nei te whatinga o te tai, me pao! 

Ko te wawata matua e whai nei ahau, ko te amo ake i ngā kaupapa Māori e kawea nei e te mātauranga Māori i raro tonu i te whakaruruhautanga o Toi Tangata, ahakoa te wāhi, te iwi, te hapori. I kitea te āheinga ki te whakatutuki i ēnei wawata mā te tūranga nei, arā, ko te rauemi ‘He Pī Ka Rere’ tētahi, ko te rauemi ‘He Kai Kei Aku Ringa’ tētahi, me te huhua kē atu anō kaupapa e whakahaerehia ana e Toi Tangata. 

Tēnā, kia waiho mai tētahi punua whakataukī hei taupoki ake i aku kōrero i konei;

“Te tātarakihi, te pihareinga; ko ngā manu ēnā o Rehua”

Kia haumaru, kia ngahau te kitā, nau mai e ngā hua o te waru.

Nāku iti nei,

Ranginui Rikirangi-Thomas

Pouārahi ā-motu

Toi Tangata