28 Sep Nau Mai Haere Mai Bree

Ko Taranaki me Hikurangi ōku Maunga 
Ko Waitara me Rangitāiki ōku Awa 
Ko Mātaatua tōku Waka 
Ko Ngāi Tūhoe me Te Āti Awa ōku Iwi 
Ko Bree McCauley Scott ahau 

I tēnei o ngā wā kei taku tau whakamutunga ahau ki Te Wānanga Aronui o Tāmaki Makau Rau oti ai i te tohu paetahi Hākinakina. Kua uru ahau ki te akomanga Kai Oranga ānō hoki. I tipu ake au i tētahi tāone iti ki Waiariki. Waihoki ko te whanaungatanga, te manaakitanga me ngā Tikanga Māori hei tūāpapa māku ao noa, pō noa. Mā ēnei momo tikanga e āhei ana ahau ki te whakatinanana i ēnei akoranga ki te tauawhi i te oranga Māori. 

He kaha taku wana mō te hauora Māori me ngā momo āhuatanga oranga. Hei tīmatanga ko te āhua ā te tamaiti, me noho pū ki ngā akoranga oranga hei tūāpapa mā rātou. He pūkenga tēnei hei whakararau i te mātauranga hauora. Kāti rā, hīkaka ana ahau ki te uru atu ki a Toi Tangata mō taku whakanoho i te mea he wawata te whakarauora Māori. He wawata āno tāku ki te whakanakonako i aku akoranga i Te Ao Māori. 

I tēnei wā he kaiwhakahaere ahau mō Toi Tangata ānō nei kei te whakahaere ahau i tētahi rangahau mō te rohe o Waiariki. He kaupapa tēnei ki te tūtaki i ngā kaiako Kōhanga Reo kōrero ai mō te oranga o te tamaiti. He momo kaupapa hoki tēnei ki te ruku atu i ngā wawata a ngā kaiako kei whakatinatina. Mā te rangahau ka tauawhi i te kai hei whāngai i te Kōhanga Reo. Kāore e kore ka puāwai ahau i taku noho ki Toi Tangata hei toa mō te iwi Māori.