Tēnei te ara
Ko te ara ki hea?
Ko te ara ki uta, Ko te ara ki tai
ko te ara ki tua o taumata noho
Kia puta ki te whaiao ki te ao mārama.
Kia Marama te whakaaro,
Kia marama te whakatika,
kia marama te whakakao,
Kia marama te hau, he kawa ora!

Tēna rā koutou e ngā kaimātai o tō tātou taiao,

Ko te reo pōhiri tēnei ki ngā kaiako o ngā Kura Māori o Tamaki kia whakeke mai ki te Wānanga Mātaiao o Te Ngāhuru ma tahi o Paeanga Whāwhā, Ka tū hei te 21 – 23 Āpereira. Kaore he utu mō te wānanga. Ko te utu kē ko tō whakaaro nui , tō manawa pīharau, te hinengaro tūwhera ki te whakawhānui tō mōhioranga ki ngā whakapapa atua o te taiao hei akoranga tonu ki te kura. Ka tū hoki tēnei wānanga ki te uru o Tamaki Makaurau.

Mēna e hiahia ana te haere mai ki te wānanga tuatahi, tēna whakakī i te puka whakaae i mua i te 28 o Te Ngahuru o Poutu te rangi:

Puka Whakaae

Hei ngā wiki ka taha ake nei, ka whakapā atu ētahi o te tima ki a koutou, ā, ka tuku anō i ētahi whakamāhuki anō mō te wānanga tuatahi. Ki te hiahia haere mai, me he pātai rānei, whakapā mai ki a tā mātou kaiarahi chrissy@toitangata.co.nz

Takitakina ko te kawa o Papa
Wānangahia ngā atua o te rangi
Rurukuhia ki ngā wai whakaika
Maranga mai he ora!